اسلام آباد...پاکستان اور ترکی کی فضائی افواج کے درمیان دفاعی تعاون کے فروغ پر پاک فضائیہ کے سربراہ ایئر چیف مارشل سہیل امان کو ترکش لیجن آف میرٹ ایوارڈ سے نوازا گیا۔ترک فضائیہ کے ہیڈ کوارٹر استنبول میں پروقار تقریب میں ائیر چیف مارشل سہیل امان کوایوارڈ دیا گیا۔ قبل ازیں پاک فضائیہ کے سربراہ ایئر چیف مارشل سہیل امان ترک فضائیہ کے ہیڈ کوارٹرز پہنچے تو انہیں ترک فضائیہ کے چاق و چوبند دستے نے سلامی پیش کی۔ترک فضائیہ کے کمانڈر سے ملاقات کی۔ ایئر چیف نے دہشت گردی کے خلاف جاری آپریشن میں پاک فضائیہ کے کردار پر روشنی ڈالی۔ انہوں نے ترکی کے ساتھ سیکیورٹی، انفارمیشن ٹیکنالوجی اور تربیتی میدان میں تعاون کو مزیدفروغ دینے کاا عادہ کیا۔ کمانڈرترک فضائیہ نے آپریشن ضرب عضب کی کامیابی میں پاک فضائیہ کے کردار کو سراہا۔
