مکہ مکرمہ .... مکہ مکرمہ گورنریٹ نے مشاعر مقدسہ میں داخلے کے اجازت ناموں کا دھندہ بند کرنے کیلئے نئے ضابطے مقرر کر دئیے ۔ گورنریٹ نے تمام سرکاری اداروں سے مطالبہ کیا ہے کہ وہ مشاعر مقدسہ جانیوالی گاڑیوں کی تعداد متعین کریں اور تمام تفصیلات پیش کریں ۔ خدمات کیلئے انتہائی مطلوب افراد کا تعین کریں ۔ وزارت ثقافت و اطلاعات سے کہا گیا ہے کہ وہ اخبارات ، سوشل میڈیا اور ویب سائٹس پر نظر رکھے ۔ اجازت نامے فروخت کرنیوالوں کے اشتہارات کا ریکارڈ تیار کرے اور ان کے خلاف قانونی کارروائی کرے ۔ حج اجازت ناموں سے ناجائز فائدہ اٹھانے کا باب بند کرنے کیلئے امن عامہ ، وزارت حج ، مکہ میونسپلٹی ، مکہ ڈیولپمنٹ اتھارٹی اور گورنریٹ پر مشتمل ورکنگ ٹیم تشکیل دیدی گئی جسے 7ضابطوں پر عمل درآمد کی ہدایت کی گئی ہے ۔
