امریکی صدر نے سکیورٹی کابینہ کی خصوصی میٹنگ طلب کر لی

    واشنگٹن۔۔۔۔۔۔۔امریکی صدر ڈونلڈ ٹرمپ نے نیشنل سکیورٹی کمیٹی کی میٹنگ طلب کر لی ہے۔  وائٹ ہاؤس کی خاتون ترجمان کی جانب سے جاری بیان میں کہا کہ اس کمیٹی کے تمام اراکین صورت حال پر پہلے سے گہری نظر رکھے ہوئے ہیں اور اس دوران ٹرمپ مجموعی صورت حال کو زیر بحث لانا چاہتے ہیں۔ اس میٹنگ میں شمالی کوریا کے نئے جوہری تجربے کے بعد کی صورت حال پر غور کیا جائے گا۔ ٹرمپ نے اپنی ٹویٹ میں اس تجربے کی شدید مذمت کرتے ہوئے اسے امریکا کے لیے خطرناک قرار دیا تھا۔امکاناً اس اجلاس میں انتہائی سخت اقتصادی پابندیوں کو زیر بحث لایا جا سکتا ہے۔