ترکی نے عراقی کردستان پر پابندیوں کی دھمکی دیدی

 انقرہ ...ترک صدر رجب طیب ا ردوگان نے عراقی کرد رہنماؤں کو خبردار کیا ہے کہ آزادی کی کوشش سے علاقے میں نسلی جنگ شروع ہو سکتی ہے۔ ترک صدر کی طرف سے یہ انتباہ نیم خود مختار عراقی کردستان میں آزادی کے سوال پر ریفرنڈم کے بعد سامنے آیا ہے۔ اس ریفرنڈم پر عملدرآمد لازمی نہیں  تاہم عوام کی اکثریت نے کردستان کی مکمل آزادی کے حق میں ووٹ دیا ہے۔ اردوگان نے عراقی کردستان کے سربراہ مسعود بارزانی کو یہ انتباہ بھی کیا کہ اگر ترکی نے پابندیاں عائد کر دیں تو ان کا علاقہ خوراک اور لباس کی کمی کا شکار بھی ہو سکتا ہے۔  اگر بارزانی اور علاقائی حکومت  جلد اپنی غلطی سے پیچھے نہ ہوئی تو وہ تاریخ میں اس علاقے کو نسلی اور فرقہ ورانہ جنگ میں دھکیلنے کے ذمہ دار ٹھہریں گے۔