آسٹریلیا: موٹو جی پی کی اعصاب شکن ریس، اسپینش رائیڈر فاتح رہے

سڈنی:آسٹریلیا کے ٹریک پر موٹو جی پی کا سنسنی خیز ایونٹ اسپینش رائیڈر مارک مارکوئیز کے فتح کے ساتھ ختم ہو گیا۔ فاتح کھلاڑی نے سیزن میں چھٹی بار ٹائٹل اپنے نام کیا۔ آسٹریلیا میں سجا اعصاب شکن موٹو جی پی ریس، 27 لیپس پر مشتمل ریس کا ہر لمحہ سنسنی خیز رہا، کبھی ایک رائیڈر فنش لائن پہلے عبور کرتا اور کبھی دوسرا رائیڈرز بازی مارتا۔ اسپینش رائیڈر مارک مارکوئیز نے فرانسیسی حریف جوہان زار کو پیچھے چھوڑتے ہوئے پہلے چیکرز فلیگ تھاما جبکہ موٹو جی پی ٹو ریس میں پرتگال کے میگوئل اولیورا نے مقررہ فاصلہ سب سے پہلے طے کر کے وکٹری اسٹینڈ پر قبضہ جمایا۔ موٹو جی پی تھری کے مقابلوں میں اسپین کے یوآن مائر نے فتح اپنے نام کی۔