بیانات سے خوفزدہ نہیں، دیپیکا

بالی وڈ  اداکارہ دیپیکا پڈوکون نے انتہاپسندہندوؤں کی جانب سے دھمکیوں کے خلاف خاموشی توڑ دی۔ بالی وڈ فلم ’پدماوتی‘ آغاز سے ہی ہندو انتہاپسندوں کے نشانے پر رہی ہے اور اس حوالے سے شوٹنگ کے دوران بھی پوری ٹیم کو کئی مشکلات کا سامنا کرنا پڑا بعد ازاں انتہاپسندوں کی جانب سے فلم پر حقائق مسخ کرنے کا الزام عائد کرتے ہوئے ریلیز روکنے کے مطالبہ کیا گیا۔ہندوانتہا پسند جماعت شری راجپوت کرنی سینا  نےدیپیکا کی ناک کاٹنے کی دھمکی بھی دی تھی لیکن آخرکار اداکارہ نے انتہاپسندوں کی دھمکیوں کے خلاف خاموشی توڑ دی۔میڈیا رپورٹس کے مطابق ایک انٹرویو میں دپپیکا پڈوکون نے کہا کہ وہ ان بیانات سے ہرگز خوفزدہ نہیں البتہ ایک فنکار، ہندوستانی شہری اور خاتون ہونے کے ناتے یہ خبر سن کر مجھے بہت افسوس ہوا۔واضح رہے  کہ فلم ’پدماوتی‘  جو پہلے یکم دسمبر کو ریلیز ہونا تھی، اب 12 جنوری کو ریلیز ہوگی۔