25دسمبر پیر کو سعودی اخبار” الشرق الاوسط“ کے صفحہ اول کی شہ سرخیاں کچھ اس طرح تھیں:
٭ یمن کی سرکاری افواج صنعاءکے جنوب مشرق میں واقع البیضاءصوبے کے پہلے ضلع کا کنٹرول حاصل کرنے میں کامیاب، یمنی صدر عبدربہ منصور ہادی نے کابینہ میں ردوبدل کردیا، 5وزراءمتاثر
٭ سوڈان اور ترکی نے اسٹراٹیجک کونسل قائم کردی
٭ عراق کے نائب صدر اور سابق وزیراعظم نوری المالکی نے موجودہ وزیراعظم حیدر العبادی کا مذاق اڑانے کیلئے کردوں سے آنکھ مچولی شروع کردی
٭ شامی اپوزیشن نے آئندہ ماہ کے اختتام پر سوچی میں ہونے والے مذاکرات کے ایجنڈے کی تیاریو ںکا آغاز کردیا
٭ تنظیم آزادی فلسطین کی مرکزی کونسل نے امن عمل پر ہمہ جہتی نظر ثانی شروع کردی
٭ روسی صدر پوٹین کے صدارتی حریف نے ہزاروں حامیوں کو جمع کرنا شروع کردیا
٭ ایرانی عدالت نے سابق صدر محمود احمدی نژاد کی ذہنی صحت کی بابت سوالیہ نشان کھڑے کردیئے
٭ فلسطینیوں سے متعلق عراقی فیصلے کی تنسیخ نے فلسطینیوں میں خدشات کی لہر دوڑا دی
٭ ایک اور پارٹی نے کردستانی حکومت سے انخلاءکی دھمکی دیدی
٭ عراقی عیسائی 2013ءکے بعد پہلی بار کرسمس کا جشن منا رہے ہیں، عراقی مسلمانوں نے گرجا گھر تیار کرکے تحفے کے طور پر پیش کردیا
٭٭٭٭٭٭٭٭
