Sorry, you need to enable JavaScript to visit this website.

داڑھی منڈوانے سے انکار پر10مسلمان طلباءکو این سی سی کیمپ سے نکال دیا

    نئی دہلی ۔۔۔۔۔ نئی دہلی کی جامعہ ملیہ اسلامیہ یونیورسٹی کے10 مسلمان طلباء کو داڑھی منڈوانے سے انکار پر ہندو افسروں نے نیشنل کیڈٹ کورپس (این سی سی) کے ٹریننگ کیمپ سے نکال دیا ۔ طلباء کو سزا کے طور پر ایک دن اور ایک رات کیمپ سے باہر کھلے آسمان تلے رہنے پر مجبور کیا گیا۔ نئی دہلی سے شائع ہونیو الے ایک انگریزی روزنامے کی رپورٹ کے مطابق مسلمان طلباء نے سزا کے بعد کیمپ میں واپس آکر ہڑتال کی اور ہندو افسروں راجنیش کمار اور اجیت کمار کی معطلی کا مطالبہ کیا۔ ایک طالب علم نے روزنامے سے بات کرتے ہوئے کہا کہ جامعہ ملیہ کے طلباء ایک عرصے سے داڑھی سمیت این سی سی ٹرینگ کیمپ میں شرکت کرتے آرہے ہیں تاہم ایسا پہلی بار ہوا ہے کہ انہیںداڑھی رکھنے کی بنا پر سزا دی گئی۔ طلباء کا کہنا تھا کہ انہوں نے کیمپ انتظامیہ کو پہلے ہی تحریری درخواست دی تھی کہ داڑھی انکا دینی معاملہ ہے جسے وہ منڈوا نہیں سکتے ۔ انہوںنے کہا کہ ٹریننگ کے چھٹے روز ان سے کہا گیا کہ وہ داڑھی منڈوا دیں یا پھر کیمپ سے چلے جائیں۔

شیئر: