واشنگٹن ۔۔۔ اقوام متحدہ کی سلامتی کونسل نے 6 نئے غیر مستقل ارکان کا خیرمقدم کیا ہے جو استوائی گنی، آئیوری کوسٹ، کویت، ہالینڈ، پیرو اور پولینڈ ہیں۔عالمی ذرائع ابلاغ کے مطابق اِن 6 نئے ملکوں کو جنرل اسمبلی کے 193 ارکان نے 2 سال کے لیے منتخب کیا ہے۔ اقوام متحدہ کے طاقتور ترین ادارے کی رکنیت کے دوران اِن ارکان کو بین الاقوامی امن اور سلامتی کے معاملات سے نبردآزما ہونے کے حوالے سے مؤثر آواز حاصل ہوگی۔قزاقستان کے ایلچی خیرات عمروف جنھوں نے میعاد کی اپنی باری پر جنوری میں صدارت کا عہدہ سنبھالا ہے، کونسل کے ارکان کی ایک خصوصی تقریب سے خطاب کرتے ہوئے کہا کہ امن اور سلامتی کا حصول مشکل کام ہے۔اْنھوں نے کہا ہے کہ کچھ حاصل کرنے کے لیے ضروری ہوگا کہ آپ کو حقیقی موقع میسر آئے۔
