بڑی بیٹری کے ساتھ اسمارٹرون ٹی فون پی لانچ‎

اسمارٹرون کمپنی کی جانب سے نیا اسمارٹ فون ٹی فون پی انڈیا میں لانچ کر دیا گیا ہے۔فون میں 5.2 انچ ایچ ڈی ڈسپلے ، اسنیپ ڈریگن 435 پروسیسر ،اینڈرائیڈ نوگیٹ آپریٹنگ سسٹم ، 3 جی بی ریم اور 32 جی بی اسٹوریج دیا ہے۔ اسٹوریج کو مائیکرو ایس ڈی کارڈ کی مدد سے 128 جی بی تک بڑھایا جاسکتا ہے۔ اسمارٹ فون کے کیمرہ سیٹ اپ میں 13 میگا پکسل کا بیک کیمرہ اور 5 میگا پکسل کا فرنٹ کیمرہ دیا گیا ہے۔کنکٹیوٹی کے لیے فون میں ڈوئل سم ، فور جی ایل ٹی ای ، بلیوٹوتھ ، جی پی ایس اور ہیڈ فون جیک سپورٹ دی گئی ہے۔ اسمارٹ فون کی بیٹری 5000 ملی ایمپئیر آورز کی ہے اور فون کو ایک بار چارج کرنے کے بعد دو دن تک استعمال کیا جا سکتا ہے۔فون کی قیمت 7,999 ہندوستانی روپے ہیں اور اس کی فروخت 17 جنوری سے شروع ہوگی۔