ہملٹن.... مقامی مائل سریور کے قریب قائم مڈل اسکول میں طلباءنے جدید ٹیکنالوجی کا بھرپور مظاہرہ کرکے سب کو حیران کردیا۔ کہا جاتا ہے کہ اسکول میں کسی خاص تقریب کے سلسلے میں رات کے وقت تفریحی پروگرام شروع کیا گیا تھا مگر قبل اس کے اداکار اور فنکار اپنے فن کا مظاہرہ کرتے بجلی اچانک چلی گئی۔ پروگرام پیش کرنے والے ڈائریکٹر کیون بیروب صورتحال سے خاصے پریشان ہوئے۔ پروگرام اپنے دوسرے مرحلے میں تھا او رکئی مراحل اور آنے تھے جس کی وجہ سے ڈائریکٹر کی پریشانی بجا تھی مگر طلباءکہاں ہار مارننے والے تھے۔ انہوں نے روشنی کرنے کی ترکیب نکالی اور ہال میں بیٹھے سیکڑوں طلباءنے ا پنے موبائل فون کی لائٹ آن کردی اور پورا ہال جگمگا گیا۔ صورتحال دیکھ کر پروگرام کے ڈائریکٹر نے ایک بڑے پیانو پر دھاوا بولا کیونکہ اس سے قبل وہ پیانو بجا رہے تھے وہ الیکٹرک کا تھا جبکہ دوسرا مینول تھا۔ بوسٹن گلوب میں شائع ہونے والی اس اطلاع نے جگہ جگہ طلباءکو نئے تجربات کی طرف راغب کردیا ہے اور امید ہے کہ یہ سلسلہ طلباءجاری رکھیں گے۔
