چوہدری نثار کو ٹکٹ دینے کا فیصلہ پارلیمانی بورڈ کریگا،ترجمان
اسلام آباد... ترجمان وزیراعظم ہاوس نے کہا ہے کہ انتخابات میں پارٹی ٹکٹ کا فیصلہ کوئی ایک فرد نہیں کرتا ۔سابق وزیر داخلہ چوہدری نثار کو ٹکٹ دینے کا فیصلہ پارلیمانی بورڈ کرے گا۔بیان میں ترجمان نے کہا کہ انتخابی ٹکٹ دینے کے حوالے سے فیصلے مشاورت کے تحت ہوتے ہیں۔پارٹی ٹکٹ کا فیصلہ کوئی ایک فرد نہیں کرتا، پارٹی ٹکٹ کے فیصلے کے لئے پارلیمانی بورڈ مجاز فورم ہوتا ہے۔واضح رہے کہ سابق وزیر اور ن لیگ کے رہنما پرویز رشید نے کہا تھا کہ مسلم لیگ (ن) آئندہ انتخابات میں اپنے موجودہ بیانیے کے ساتھ ہی حصہ لے گی۔ چوہدری نثار مسلم لیگ (ن) کے پلیٹ فارم سے انتخابات میں حصہ نہیں لے سکتے۔چوہدری نثار کی قسمت کا فیصلہ وزیراعلیٰ پنجاب اور پارٹی کے موجودہ صدر شہباز شریف کریں گے۔ سابق وزیرداخلہ کو یہ فیصلہ کرنا ہوگا کہ وہ پارٹی میں رہنا چاہتے ہیں یا اپنی راہیں جدا کرنا چاہتے ہیں۔
