انتخابات: ِآئی جی سندھ پولیس کا اہم اعلان

 حیدر آباد: انسپکٹر جنرل سندھ پولیس اے ڈی خواجہ نے کہا ہے کہ صرف حیدر آباد ہی نہیں، کراچی میں بھی حالات کنٹرول کرنے میں رینجرز کا کردار اہم رہا ہے۔ انہوں نے کہا کہ سندھ پولیس انتخابات کے دوران سیکورٹی انتظامات سنبھالنے کے لیے تیار ہے۔ حیدر آباد پولیس گراﺅنڈ میں شہدا ٹورنامنٹ کے بعد انعامات تقسیم کرنے کی تقریب سے خطاب میں آئی جی سندھ کا کہنا تھا کہ الیکشن کے لیے پولنگ اسٹیشنز کی فہرست ملتے ہی پولیس کی تیاریاں شروع ہو جاتی ہیں اور مختلف مقامات پر حساس نوعیت کے لحاظ سے نفری تعینات کی جاتی ہے۔ انہوں نے مزید کہا کہ پہلے کی نسبت کراچی میں امن و امان کی صورت حال اب کافی بہتر ہے۔