Sorry, you need to enable JavaScript to visit this website.

القصیم میں ہوائی فائرنگ اور بدکلامی کرنے والا مفرور گرفتار

القصیم سیکیورٹی فورس نے ملزم کو گرفتار کرلیا۔ (فوٹو سبق)
سعودی عرب میں صوبہ القصیم کی پولیس عوامی مقام پر متعدد جرائم کا ارتکاب کرنے والے ایک شخص کو گرفتار کرنے میں کامیاب ہو گئی۔
سبق ویب سائٹ کے مطابق القصیم پولیس نے اپنے ایکس (ٹوئٹر) اکاؤنٹ پر ایک ویڈیو جاری کی ہے جس میں بتایا گیا ہے کہ پبلک مقام پر ایک شخص نے بدکلامی اور ہوائی فائرنگ کی۔ پولیس کے روکنے اور منع کرنے پر ایک گاڑی کو ٹکر ماری اور موقع سے فرار ہوگیا۔
القصیم سکیورٹی رٹی فورس کا کہنا ہے کہ ملزم نے ہوائی فائرنگ کر کے لوگوں کی زندگیوں کو خطرے میں ڈال دیا تھا اور اس نے پورے واقعے کی ویڈیو کو سوشل میڈیا پر بھی ڈالا تھا جس کے بعد سکیورٹی فورس نے اسے تلاش کیا اور گرفتار کرنے میں کامیابی حاصل کر لی۔
سکیورٹی فورس کا کہنا ہے کہ ملزم کے خلاف تمام قانونی کارروائی نمٹانے کے بعد اسے پبلک پراسیکیوشن کے حوالے کر دیا جائے گا۔

 

 

شیئر: