سعودی خبررساں ایجنسی ’ایس پی اے‘ کےمطابق سعودی عرب کی مصنوعات کے حوالے کویت میں منعقد ہونے والی نمائش کے افتتاح کے موقع پر نائب سفیر نے کہا مملکت کے ویژن 2030 کے اہداف واضح ہیں جن میں نمائش کے اس دوسرے ایڈیشن کا انعقاد بھی ہے۔ نمائش کے ذریعے سعودی عرب کی قومی مصنوعات کو دنیا بھر میں متعارف کرانا اور اہلیان وطن کی صلاحیتوں کو ابھارنا ہے۔
کویت میں ’میڈ ان سعودی‘ نمائش کا افتتاح نائب سفیر نے کیا(فوٹو، ایس پی اے)
نائب سفیر کا مزید کہنا تھا کہ نمائش کے ذریعے سعودی کمپنیوں کے بارے میں کویتی کمپنیوں اہم معلومات ملیں گی جس سے دوطرفہ تجارتی تعلقات کے نئے در کھلیں گے ۔
تقریب سے خطاب کرتے ہوئے کویتی سیکرٹری تجارت و صنعت زیاد الناجم نے کہا سعودی مصنوعات کویتی مارکیٹ میں موجود ہیں ، انہوں نے اس بات پرزوردیا کہ سعودی مصنوعات کی کویتی مارکیٹوں میں موجودگی دراصل دونوں ممالک کے مابین تعاون و بھروسے کی علامت ہیں جو کویتی شہریوں کی ضرورتوں کے مطابق بھی ہیں۔
نمائش میں سعودی مصنوعات کا تعارف پیش کیا گیا(فوٹو، ایکس اکاونٹ)
نمائش کی سی ای او ھند العونی کا کہنا تھا کہ خلیجی ممالک میں تجارتی و صنعتی کارواں کے تبادلے اور فروغ کے لیے آج کا دن بے حد اہم ہے ۔ انہوں نے اس یقین کا بھی اظہار کیا کہ نمائش سے مشترکہ اقتصادی ویژن کے اہداف کا حصول آسان ہو گا اور باہمی تجارت کو مزید فروغ ملے گا۔
سعودی شہری کون سی پاکستانی مصنوعات استعمال کر رہے ہیں؟Node ID: 879082
