ایران سے تیل کی درآمد روک دیں،امریکی انتباہ

واشنگٹن۔۔امریکہ نے خریدار ممالک کو خبردار کیا ہے کہ وہ 4 نومبر سے قبل ایران سے تیل درآمد کرنے کے عمل کو ترک کر دیں بصورت دیگر ان ممالک کو امریکی پابندیوں کا سامنا کرنا پڑ سکتا ہے۔ اس سلسلے میں امریکی محکمہ خارجہ کے ایک عہدیدار نے اپنے بیان میںکہا کہ امریکہ کسی فریق کو بھی اس عمل سے استثنیٰ نہیں دے گا۔ بیان کے مطابق ایران کے گرد گھیرا تنگ کرنا امریکہ کی قومی سلامتی کی اولین ترجیحات میں شامل ہے۔