اب تک چھپن کے مصنف روی شنکر کی خود کشی

 بالی وڈ فلم ”اب تک چھپن“ کے مصنف روی شنکر الوک نے خود کشی کر لی۔ ذرائع کے مطابق پولیس حکام کا کہنا ہے کہ روی شنکر الوک شہر اندھیری کے علاقے سیون بنگلوز کے رہائشی تھے جنہوں نے اپنی رہائشی عمارت کی چھت سے کود کر خود کشی کر لی جبکہ ان کے گھر یا ان کی نعش کے پاس سے کوئی نوٹ بھی نہیں ملا۔ اطلاعات کے مطابق روی شنکر الوک ڈپریشن کا شکار تھے اور ان کا نفسیاتی علاج جاری تھا۔