معین علی تاریخی ٹیسٹ اسکواڈ سے ڈراپ

لندن: انگلینڈ اینڈ ویلز کرکٹ بورڈ نے آل راونڈر معین علی کو ڈومیسٹک ٹورنامنٹ کیلئے انگلش اسکواڈ سے فارغ کردیا اور انہیں ہند کے ساتھ کھیلی جا رہی ٹیسٹ سیریز میں ٹیم کا حصہ نہیں بنایا گیا۔ معین علی انگلینڈ کے ہزارویں اور تاریخی ٹیسٹ میں نہیں کھیل رہے۔ معین علی اور جیمز پورڈر اس ہفتے ٹی ٹوئنٹی بلاسٹ کے 2میچوں میں حصہ لیں گے ۔ معین علی ورسسٹر شائر جبکہ پورٹرایسیکس کی جانب سے کھیلتے ہیں۔ ان کے میچ ڈرہم اور ناٹنگھم کے خلاف ہوں گے۔ اسپن بولنگ کوچ ثقلین مشتاق کے مشورے پر ٹیم انتظامیہ نے معین علی کی جگہ اسپنر کے طور پرعادل راشد کو ٹیم کا حصہ بنایا ہے ۔معین اور پورڈر کو سلیکشن کمیٹی نے ابتدائی طور پر ہند کے خلاف پہلے ٹیسٹ کیلئے 13رکنی ٹیسٹ اسکواڈ کا حصہ بنایا تھا۔