پی آئی اے کے سی ای او کو ایئر سفاری مہنگی پڑ گئی

اسلام آباد...قومی ائیر لائن پی آئی اے کے سی ای او مشرف رسول نے سپریم کورٹ کے حکم پر 43 مہمان مسافروں کا ایئر سفاری کا کرایہ ادا کر دیا۔ مشرف رسول نے 23 لاکھ 83 ہزار 494 روپے کرایہ کی مد میں ادا کئے۔ سی ای او پی آئی اے نے ا سکردو اور کی ائیر سفاری سے متعلق رپورٹ سپریم کورٹ میں جمع کرا دی۔ رپورٹ میں کہا گیا کہ مشرف رسول نے 14 لاکھ 64 ہزار 921 تنخواہ جبکہ9 لاکھ 18 ہزار 573 بذریعہ چیک ادا کئے۔رپورٹ کے مطابق ایئر سفاری کے نام سے خصوصی یا وی آئی پی پرواز نہیں چلائی گئی۔ شیڈول فلائٹ کی خالی نشستوں کو فروخت کرنے کے لئے ایئر سفاری کا نام دیا گیا۔اسلام آباد ، اسکردو روٹ پر ٹکٹوں کی کم فروخت پر ایئر سفاری کا پلان بنایا گیا۔ ایئر سفاری سے کوئی نقصان نہیں ہوا۔جہاز میں 136 سیٹیں پر 118 لوگ سوار تھے۔ ایئر سفاری کے تصور کا مقصد ریونیو بڑھانا اور سیاحت کا فروغ تھا۔رپورٹ کے مطابق 43 مہمان مسافروں میں کارپوریٹ ہیڈز، میڈیا پرسنز اور ٹریول ایجنسیز کے لوگ تھے۔ایئر سفاری میں ایسی شخصیات مہمان بنی جو رائے عامہ ہموار بنائیں یا قومی ائیر لائین کے لئے بزنس لا سکیں۔اسکردو سے اسلام آباد فلائٹ صرف 91 منٹ لیٹ ہوئی۔ ایئر سفاری کا تجربہ ماضی میں بھی کامیاب رہا۔

مزید پڑھیں:انتخابی مہم پر کس کا کتنا خرچہ