ا سلام آباد..... حج 2018 ءکے سلسلے میں اب تک ایک لاکھ 35 ہزار 834 پاکستان عازمینِ حج مملکت پہنچ گئے۔سرکاری ا سکیم کے تحت 93 ہزار 613 جبکہ نجی ا سکیم کے تحت 42 ہزار 221 عازمین پہنچے ۔ تفصیلات کے مطابق مقامی اور پاکستان سے آئے ہوئے1859معاونین عازمین کی رہنمائی کر رہے ہیں۔1597 عازمین کا گم شدہ سامان ڈھونڈ کر ان کے حوالے کر دیا گیا ہے۔راستہ بھولنے والے 212عازمین حج کو ان کی رہائش گاہ تک پہنچایا گیا ۔حرم گائیڈز نے حرم میں 2509عازمین کی رہنمائی کی۔252 نجی حج کمپنیوں کی مانیٹرنگ مکمل ہو چکی ہے۔سہولتوں کے جائزے کیلئے 76 سرکاری رہائشوں کی مانیٹرنگ کی گئی ۔ہیلپ لائن کے ذریعے رہنمائی کیلئے 890 کالز موصول ہوئیں۔ موصول ہونے والی 453 میں سے 312 شکایات کا ازالہ کیا۔ کھانے سے متعلق 106 شکایات میں سے 90 کا ازالہ کیا گیا ۔551 ڈاکٹروں اور پیرامیڈیکل اسٹاف عازمینِ حج کی طبی سہولیات کیلئے تعینات ہیں۔ ۔پاکستان حج میڈیکل مشن سے 62 ہزار 299عازمین نے استفادہ کیا۔اب تک 725 عازمینِ حج کو وہیل چیئرز فراہم کی گئیں ۔ایک عازم حج ٹریفک حادثے جبکہ 12 عازمین کی طبعی اموات ہوئیں۔ عازمینِ حج کو مدینہ منورہ کے البقیع اور مکہ کے شرائع قبرستان میں سپرد خاک کیا گیا ہے ۔
