احتیاط لازم ، ورنہ بد ہضمی بھی ہو سکتی ہے

عید الاضحی سنت ابراہیمی کی پیروی تو ہے ہی ،  ساتھ میں نت نئے کھانوں  اور مزیدار لوازمات کی بہار لے کر آتی ہے .    دعوتیں اور مزے مزے کے پکوان  عید کا مزا دوبالا کر دیتے ہیں .  البتہ کھانے کے معاملے میں احتیاط لازم ہے .  قربانی کا گوشت جہاں صحت کے لیے اچھا ہے  وہاں اسکے زیادہ استعمال سے   صحت  کو کئی خطرات بھی لاحق ہو سکتے ہیں  جیسے   اسہال ، معدے کی بیماریاں  ، ہائی بلڈ پریشر اور نظام انہضام کی کمزوری وغیرہ  .  ان مسائل سے  بچنے کے لیے ضروری ہے کہ   آپ اعتدال کے ساتھ کھائیں  . ایک اور اچھا طریقہ یہ ہے کہ  گوشت کو سبزیوں اور دالوں  میں شامل کر کے استعمال کریں .  اس طرح کھانے کی غذائیت اور افادیت  میں اضافہ  ہو گا .  تاہم پھر بھی  اگر بد ہضمی کا مسئلہ درپیش ہو  تو پودینے کےپتے   25عدد  ، بڑی الائچی 10 عدد اور  چاول کے دانے کے برابر میٹھا سوڈا لے کر  انہیں ملا کر کھانے کے بعد  چبا کر کھائیں  .  بد ہضمی دور ہو جائے گی .