قائد اعظم کرکٹ ٹرافی کا آغازآج سے ہوگا

راولپنڈی:پاکستان کرکٹ کے سب سے بڑے ڈومیسٹک ٹورنامنٹ قائد اعظم ٹرافی 2018-19ءکا آغازآج سے ہو رہاہے۔ پاکستان کرکٹ بورڈ (پی سی بی) کے مطابق میگا ایونٹ میں ریجنل اور ڈیپارٹمنٹل ٹیمیں حصہ لیں گی جنہیں دو گروپوں میں تقسیم کیا گیا ہے۔ گروپ اے میں اسلام آباد ریجن، لاہور ریجن وائٹس، سوئی نادرن گیس، فاٹا ریجن، نیشنل بینک، حبیب بینک، پشاور ریجن اور خان ریسرچ لیبارٹریز (کے آر ایل) شامل ہے جبکہ گروپ بی میں راولپنڈی ریجن، ملتان ریجن، پاکستان ٹیلی ویژن ( پی ٹی وی)، سوئی سدرن گیس، لاہور ریجن بلیوز، زرعی ترقیاتی بینک، کراچی ریجن وائٹس اور واپڈا شامل ہے۔ ٹورنامنٹ کے افتتاحی روز ملک کے مختلف گراﺅنڈز میں8 میچ شروع ہوں گے۔ گروپ اے میں لاہور ریجن وائٹس اور سوئی سدرن گیس کی ٹیمیں ایل سی سی اے گراونڈ، لاہور میں آمنے سامنے ہوں گی۔ فاٹا ریجن اور نیشنل بنک کے مابین میچ ایبٹ آباد کرکٹ اسٹیڈیم میں شروع ہوگا۔ اسلام آباد ریجن اور حبیب بنک کی ٹیمیں ڈائمنڈ کرکٹ گراونڈ، اسلام آباد میں مدمقابل ہوں گی۔ پشاور ریجن اور کے آر ایل کے درمیان میچ کے آر ایل ا سٹیڈیم، راولپنڈی میں شروع ہوگا۔ گروپ بی میں ملتان ریجن اور پی ٹی وی کی ٹیمیں ملتان کرکٹ اسٹیڈیم میں نبرد آزما ہوں گی۔ راولپنڈی ریجن اور سوئی سدرن گیس کے درمیان میچ راولپنڈی ا سٹیڈیم میں شروع ہوگا۔ لاہور ریجن بلیوز اور زرعی ترقیاتی بینک کی ٹیمیں اقبال ا سٹیڈیم، فیصل آباد میں آمنے سامنے ہوں گی جبکہ کراچی ریجن وائٹس اور واپڈا کے درمیان میچ نیشنل اسٹیڈیم، کراچی میں شروع ہوگا۔