لاہور: الحمرا میں”ہرے رنگ کی چادر“

لاہور آرٹس کونسل کے زیر اہتمام نامور ادیب ،شاعر اور ڈرامہ نگار امجد اسلام امجد کا لازوال ڈرامہ ”ہرے رنگ کی چادر“یکم تا 5اکتوبرہر روز شام 7بجے الحمراءہال نمبرIIمیں پیش کیا جائے گا۔چیئرمین لاہور آرٹس کونسل توقیر ناصر نے اس حوالے سے بتایا کہ اس پلیٹ فارم پر ہمیشہ عوامی و معاشرتی ضرورتوں اور تقاضوں کا خیال رکھا جاتا ہے۔اسی تناظر میں ڈرامہ ”ہرے رنگ کی چادر“پیش کیا جا رہاہے۔یہ ڈرامہ امجد اسلام امجد کی تحریر ہے جو کہ رچے ہوئے تہذیبی شعور کے ڈرامہ نگار ہیں۔انہوں نے مزید کہاکہ میری کاوشوں کا مقصد تھیٹر کی روایت کوایک دفعہ پھر عروج کی اس نہج تک لے کر جاناہے جو ہماری پہچان تھی۔