ایرانی اداکارہ کا بالی وڈ ہدایتکار پر الزام

ایرانی اداکارہ ایلناز نوروزی نے بالی وڈ ہدایتکار ویپل شا پر ہراسانی کاالزام عائد کیا ہے۔ اداکارہ ایلناز نوروزی نے”می ٹو“ مہم کے تحت اپنے ساتھ پیش آنے والے واقعے کو شیئر کرتے ہوئے کہا کہ انہیں فلم”نمستے انگلینڈ“ میں ثانوی کردار کی ادائیگی کے لئے پیشکش کی گئی تھی انہوں نے فلم کے لئے تقریباً 6 آڈیشن دئیے اور اس دوران انہیں کئی برے تجربات کا سامنا کرنا پڑا۔ بعد ازاں انہیں احساس ہوا کہ ویپل شا انہیں فلم میںکام دینے کا کوئی ارادہ نہیں رکھتے۔ ایلینا نوروزی نے گزشتہ ہفتے پاکستانی فلم” مان جاﺅناں“ سے اداکاری کا آغاز کیاہے۔