امیتابھ قرضہ اتاریں گے

بالی وڈاداکار امیتابھ بچن اداکاری میں تو شہرت کے محتاج نہیں ،وہ فلاحی کاموں میں بھی امیتابھ اپنی مثال آپ ہیں۔ حال ہی میں امیتابھ بچن نے کہاہے کہ وہ کسانوں کا قرضہ اتارنے کیلئے ان کی مالی مدد کریں گے ۔ہندوستانی خبروں کے مطابق اداکار امیتابھ بچن نے اترپردیش کے850 کسانوں کا قرضہ اتارنے کا اعلان کیا ہے۔امیتابھ کا کہنا ہے کہ اپنی دولت سے ان لوگوں کی مدد کرنا سب سے اطمینان بخش تجربہ ہے،یہ کسان ہمارے لئے اپنی زندگی قربان کرتے ہیں۔امیتابھ اس سے قبل بھی 350کسانوں کا قرضہ اتار چکے ہیں۔