پیناسونک ایلوگا زیڈ 1 اور زیڈ 1 پرو اسمارٹ فون لانچ‎

پیناسونک کمپنی نے دو نئے اسمارٹ فون متعارف کرا دئیے ہیں۔ ایلوگا زیڈ 1 میں اینڈرائیڈ اوریو آپریٹنگ سسٹم ، 6.19 انچ ایچ ڈی پلس ڈسپلے ، ہیلیو پی 22 پروسیسر ، 3 جی بی ریم اور 32 جی بی اسٹوریج دیا گیا ہے جسے ایس ڈی کارڈ کی مدد سے 128 جی بی تک بڑھایا جا سکتا ہے۔ فون کی پشت پر 13 میگاپکسل اور 2 میگا پکسل کے دو سنسر جبکہ فرنٹ پر 8 میگا پکسل کا کیمرہ دیا گیا ہے۔ فرنٹ اور بیک کیمرے میں ایل ای ڈی فلیش سپورٹ بھی دی گئی ہے۔ اسمارٹ فون کی بیٹری 4000 ملی ایمپیئر آورز کی ہے۔ ایلوگا زیڈ 1 پرو میں اینڈرائیڈ اوریو آپریٹنگ سسٹم ، 6.19 انچ ایچ ڈی پلس ڈسپلے ، ہیلیو پی 22 پروسیسر ، 4 جی بی ریم اور 64 جی بی اسٹوریج دیا گیا ہے۔فون کی پشت پر 13 میگا پکسل اور 2 میگا پکسل جبکہ فرنٹ پر 8 میگا پکسل کا کیمرہ دیا گیا ہے۔آرٹیفیشل انٹیلیجنس فیس ان لاک فیچر کو بھی اسمارٹ فونز کا حصہ بنایا گیا ہے۔ اسمارٹ فون کی بیٹری 4000 ملی ایمپیئر آورز کی ہے۔ فون کو کالے ، نیلے اور سنہرے رنگ میں فروخت کے لیے پیش کیا گیا ہے۔ زیڈ 1 کی قیمت 14490 ہندوستانی روپے جبکہ پرو ماڈل کی قیمت 17490 ہندوستانی روپے ہے۔دونوں سمارٹ فونز کو 31 اکتوبر سے فروخت کے لیے پیش کیا جائے گا۔