قدرت کا کرشمہ: خاتون کے یہاں بیک وقت 4بچوں کی ولادت
نئی دہلی۔۔۔قدرت کا کرشمہ بھی عجیب ہے، کسی کو پوری عمر اولاد نہیں ہوتی تو کسی کو ایک 2 نہیں4،4 بچے نصیب ہوجاتے ہیں۔ہریانہ ریاست کےضلع نوح (میوات) کے گاؤں پاٹ کھوری کی رہنے والی25سالہ عائشہ نے راجستھا ن میں ضلع الور کے نجی اسپتال میں4بچوں کو جنم دیا جن میں 3بیٹیاں اور ایک بیٹا شامل ہے۔ڈاکٹروں نے اسے قدرت کا کرشمہ قراردیا۔ زچہ،بچہ مکمل صحتمند ہیں۔عائشہ کی شادی قریب 2سال قبل متوسط گھرانے کے شبیرنامی شخص سے ہوئی تھی۔ بچوں کی ولادت سے پورے خاندان میں جشن کا ماحول ہے۔ اہل خانہ نے عزیز و اقارب اوردوست و احباب میں مٹھائیاں تقسیم کیں۔
ہندوستان کی تازہ ترین خبروں کے لئے ’’اردونیوز انڈیا‘‘ گروپ جوائن کریں
