ریاض کے 15 اہم سکوائر اور مقامات سابق آئمہ اور بادشاہوں سے منسوب، شاہی فرمان

خادم حرمین شریفین شاہ سلمان بن عبدالعزیز نے ولی عہد شہزادہ محمد بن سلمان کی جانب سے ریاض شہر کے 15 اہم چوراہوں اور مقامات کو مملکت کے سابقہ آئمہ اور بادشاہوں کے ناموں پر رکھنے کی تجویز کو منظور کرتے ہوئے شاہی احکامات صادر کردیے ہیں۔

سعودی خبررساں ادارے ایس پی اے کے مطابق ہر برس 22 فروری کو مملکت کا یوم تاسیس منایا جاتا ہے یہ وہ دن ہے جب مملکت کے باقاعدہ قیام کا اعلان کیا گیا تھا۔

یوم تاسیس کے یادگاری موقع کی مناسبت سے ریاض کے 15 سکوائر اور مقامات کو سابقہ آئمہ اور شاہوں کے نام دیے گئے ہیں ان میں امام محمد بن سعود، امام عبدالعزیز بن محمد، امام سعود بن عبدالعزیز، امام عبداللہ بن سعود چوک ، امام ترکی بن عبداللہ ، امام فیصل بن ترکی، امام عبداللہ بن فیصل، امام عبدالرحمان بن فیصل، شاہ عبدالعزیز، شاہ سعود، شاہ فیصل، شاہ فہد ، شاہ عبداللہ اور شاہ سلمان شامل ہیں۔