مکہ مکرمہ .... میئر مکہ مکرمہ محمد القویحص نے بحرہ کمشنری میں جمع ہونےوالے برساتی پانی کی نکاسی اور شاہراہو ں کی مرمت کے احکامات صادر کر دیئے ۔ سبق نیوز کے مطابق بحرہ کمشنری میں رہنے والوں نے شکایت کی تھی کہ برساتی پانی شہر کے مختلف علاقوں میں جمع ہے جس کی وجہ سے کافی مشکلات کا سامنا کرنا پڑتا ہے ۔ میئر مکہ مکرمہ ریجن نے شکایات کے ازالے کے لئے فوری طور پر ریجنل بلدیہ کو ہدایات جاری کر تے ہوئے کہا کہ بحرہ کمشنری میں جمع ہونے والے پانی کی نکاسی اور وہاں سڑکوں میں اصلاح و مرمت کا فوری بندوبست کیا جائے تاکہ شہریوں کی شکایات کا ازالہ کیاجاسکے ۔ شہریو ںکا کہنا تھا کہ سڑکوں پر ہونے والے گڑھوں میں جمع شدہ پانی سے کافی مشکلات کا سامنا کرنا پڑ رہا ہے ۔ کھڑے پانی میں مچھر پیدا ہو تے ہیں جن سے وبائی امراض پھوٹنے کا خدشہ بھی ہے ۔
