پاکستانی ڈاکٹر کے خلاف بنگلہ دیشی کی شکایت

جدہ ۔۔۔جدہ پولیس نے ایک بنگلہ دیشی مریضہ کے ساتھ چھیڑ خانی پر ایک پاکستانی ڈاکٹر کو گرفتار کر لیا ۔ بنگلہ دیشی خاتون طبی معائنے کیلئے کلینک گئی تھی۔ اس کے شوہر نے پاکستانی ڈاکٹر کے خلاف چھیڑ خانی کی شکایت درج کرا دی ۔ جدہ پولیس حقیقت حال دریافت کرنے کیلئے پوچھ گچھ کر رہی ہے ۔ ابتدائی تفصیلات کے مطابق پولیس نے تمام فریقوں کے بیان ریکارڈ کر لئے اور محکمہ صحت کے متعلقہ اداروں کو اس کی رپورٹ بھی پیش کر دی تاہم تحقیقا ت کا سلسلہ ہنوز جاری ہے ۔