9ماہ کا بچہ اغوا کرنیوالی خاتون گرفتار

نئی دہلی۔۔۔بنگلا صاحب گرودوارے کے قریب اغوا ہونے والے بچے کو بحفاظت برآمد کرتے ہوئے پولیس نے 2ملزمان کو گرفتار کرلیا۔ ان کی شناخت پنجاب کی 19سالہ خاتون اور سردار اجیت سنگھ کے طور پر ہوئی۔ پولیس کے مطابق نبی کریم علاقے میں واقع جھگی بستی میں رہنے والی خاتون نے بستی کی کچرا چننے والی خاتون کے9ماہ کے بچے کا اغوا کرکے فرار ہوگئی۔ ایس ایچ او  وید پرکاش اور انسپکٹر کے ایل یادو کی سربراہی میں ٹیم تشکیل دی گئی جس نے کارروائی کرتے ہوئے امرتسر کے رہنے والے اجیت سنگھ سے بچہ برآمد کرلیا۔ پولیس کے مطابق اغوا کارخاتون نے اپنا حلیہ تبدیل کرکے دہلی کے پالیکابازار علاقے میں ملازمت شروع کردی تھی۔متاثرہ والدین بچے کی تلاش میں سرگرداں تھے ۔ سی سی ٹی وی کیمرے کے فوٹیج سے ملزم خاتون کا سراغ مل گیاجس کی بنیاد پر پولیس نے اغواکار خاتون اور پھرمرد کو گرفتار کرلیا۔ پوچھ گچھ کے دوران دونوں نے اقبال جرم کرلیا۔

مزید پڑھیں:- - -  - - -اسمارٹ سٹی مہم نے شہروں کوبین الاقوامی معیار کے مطابق بنادیا،جائزہ رپورٹ