اسلام آباد ...وفاقی وزیر پٹرولیم غلام سرور خان نے کہا ہے کہ سعودی حکومت کےساتھ معاہدوں کے تحت پاکستان کو تیل برآمد کرنے پر 1.2 ارب ڈالر کی بچت ہو گی۔سعودی حکومت کے ساتھ ریفائنری اور پٹروکیمیکل کمپلیکس نے10 بڑے تجارتی معاہدوں پر دستخط کئے جائیں گے۔سعودی شہزادہ سلمان کا دورہ پاکستان سے ترقی و خوشحالی کے نئے باب کا آغاز ہوگا۔جمعہ کو صحافیوں سے بات چیت کرتے ہوئے انہوں نے کہا کہ شہزادہ سلمان کے حالیہ دورے سے پاکستان میں بیرونی سرمایہ کاری کو فروغ ملے گا۔پاکستان میں بین الاقوامی سرمایہ کاروں کا اعتماد بڑھے گا۔سعودی شہزادہ سلمان کے حالیہ دورہ پاکستان کو حکومت کی سفارتی میدان میں کامیابی قرار دیتے ہوئے انہوںنے کہا کہ سابقہ حکومتیں اپنے ادوار حکومت میں سعودی عرب اور چین سمیت دیگر ممالک سے اپنے ذاتی تعلقات استعمال کرتی رہیں۔ ملک کےلئے کچھ نہ کرسکیں۔ وزیراعظم عمران خان نے نئے پاکستان کی وژن کے تحت ذاتی تعلقات کی بجائے قومی تعلقات کے استحکام اور فروخت پر توجہ دیں جس کے مثبت اثرات نظر آنا شروع ہو گئے ۔ انہوں نے کہا کہ سعودی عرب کی پاکستان میں ریکارڈ سرمایہ کاری سے پاکستان میں سماجی اور اقتصادی استحکام سے روزگار کے مواقع بڑھیں گے جس کے ثمرات عام آدمی تک پہنچیں گے۔انہوں نے کہا کہ پاکستان کو ایک بڑی مدت کے بعد دیانت دار اور مخلص قیادت میسر آئی ہے جس کی شفاف پالیسیوں کے باعث پاکستان پر دنیا کا اعتماد بڑھا ہے ۔انہوں نے کہا کہ عمران خان نے حکومت سنبھالتے ہی سعودی عرب ، متحدہ عرب امارات، ترکی اور ملا یشیاسمیت چین کے دورے کیے اور ان کی قیادت کو اعتماد میں لیتے ہوئے پاکستان میں سرمایہ کاری کی ترغیب دی انہوں نے کہا کہ سعودی عرب پاکستان میں گوادر کے ساحل پر توانائی کے متبادل ذرائع کے شعبے میں بھی گہری دلچسپی رکھتا ہے۔ پاکستان کی توانائی کے شعبے کی ضروریات کو پورا کرنے میں مدد ملے گی۔ انہوں نے کہا کہ 10 سے زائد ایم اویو سائن کئے جائیں گے۔جن میں ریفائنری اور پٹروکیمیکل کمپلیکس شامل ہیں جس کی صلاحیت دو سے تین لاکھ بیرل یومیہ ہوگئی۔معدنیات کے سمیت ڈرک کنٹرول، یوتھ اینڈ سپورٹس، ذرائع ابلاغ عامہ کے اشتراک اور جرائم کی روک تھام جیسے اہم منصوبے شامل ہیں۔
