وزارت صحت کی جانب سے طبی مشیر ایپلی کیشن کا اجراء

 ریاض۔۔۔ وزیر صحت ڈاکٹر توفیق بن فوزان الربیعہ نے طبی مشیر ایپلی کیشن کا اجراءکردیا۔ اس ایپلی کیشن کے ذریعے مریض گھر بیٹھے وڈیو کال کرکے ڈاکٹروں سے طبی مشاورت کرسکتا ہے۔ وزیر صحت نے کہا کہ امید ہے کہ یہ ایپلی کیشن سے ان لاکھوں مریضوں کیلئے بہتر ثابت ہوگی جو کسی وجہ سے اسپتال نہیں آسکتے۔ ہنگامی حالات میں بھی فوری اقدام کے طور پر اس سے فائدہ اٹھایا جاسکتا ہے۔ وزارت صحت ایپلی کیشن کو مزید موثر بنانے کیلئے ورکشاپ منعقد کرے گی۔