کورونا کی بیماری چھپانے پر 5 سال قید

کویت میں کورونا وائرس سمیت متعدی بیماری چھپانے پر 5 سال قید اور کم سے کم 10 ہزار دینار جرمانہ ہوگا۔

کویتی نیوز ایجنسی (کونا) کے مطابق کابینہ اجلاس میں فیصلہ ہوا ہے کہ کوئی بھی شخص اگر کورونا کا شکار ہو اور اپنی بیماری چھپانے کی کوشش کرے گا تو اسے جیل اور جرمانہ ہوگا‘۔

کابینہ نے کہا ہے کہ ’کورونا وائرس سمیت کوئی بھی متعدی بیماری جس سے دوسرے لوگوں کو خطرہ ہوسکتا ہے، کا اظہار نہ کرنا اور اسے چھپائے رکھنا جرم ہے‘۔

کابینہ نے کہا ہے کہ ’عدالت کو اختیار ہوگا کہ خلاف ورزی کرنے والے کو 5 سال تک قید کی سزا سنائے یا کم سے کم 10 ہزار دینار اور زیادہ سے زیادہ 50 ہزار دینار کا جرمانہ عائد کرے یا دونوں سزائیں بیک وقت دے‘۔