کارکنوں کے رہائشی مسائل حل کرنے کے لیے بھی اقدامات اٹھائے گئے ہیں (فوٹو عرب نیوز)
مدینہ منورہ کے گورنر شہزادہ فیصل بن سلمان نے ورچوئل کال کے ذریعے مدینہ منورہ ریجن کے لیے 628 ملین ریال کی لاگت سے تیار کیے جانے والے صحت منصوبوں کا افتتاح کیا ہے۔
عرب نیوز کے مطابق شہزادہ فیصل بن سلمان نے اس موقع پر کہا ہے کہ صحت کے شعبے کو خادم حرمین شریفین شاہ سلمان بن عبدالعزیز کی حکومت کی مکمل تائید اور تعاون حاصل ہے۔
رہائشی منصوبوں کی تکمیل سے مزدورں کے 40 فیصد رہائشی مسائل ختم ہوں گے۔(فوٹو سوشل میڈیا)
ان صحت منصوبوں سے شہریوں کے لیے معیاری صحت اور مزید دیکھ بھال کو یقینی بنانے کے لیے تیزی سے ترقی ملے گی۔
گورنر مدینہ شہزادہ فیصل بن سلمان نے تارکین وطن کارکنوں کے رہائشی مسائل حل کرنے کے لیے بھی کئی اقدامات اٹھائے ہیں۔
ان منصوبوں کے تحت آئندہ تین ماہ کے اندر تین بڑے پراجیکٹ مکمل ہو جائیں گے جس کے بعد تارکین وطن مزدورں کے 40 فیصد رہائشی مسائل ختم ہو جائیں گے۔
آئندہ 18 ماہ میں کارکنوں کے لیے نئی عمارتوں کی تعمیر کی جائے گی(فوٹو عرب نیوز)
واضح رہے کہ علاقے کی بلدیہ عظمی اور وزارت بلدیہ و دیہی امور کے اشتراک سے ان منصوبوں کی تکمیل کے لیے پانچ نئے علاقوں میں جگہ مختص کی گئی ہے۔
یہاں پر نجی شعبے اور سرمایہ کاروں کے تعاون سے آئندہ 18 ماہ میں کارکنوں کے رہائش کے لیے نئی عمارتوں کی تعمیر میں مدد ملے گی۔ یہ تعمیراتی منصوبے بین الاقوامی ماحول اور صحت کو مدنظر رکھتے ہوئے پایہ تکمیل تک پہنچیں گے۔
