ابوظبی: لاک ڈاؤن میں ایک ہفتے کی توسیع

متحدہ عرب امارات کے دار الحکومت ابوظبی میں لاک ڈاؤن میں ایک ہفتے کی توسیع کردی گئی ہے۔

الامارات الیوم کے مطابق ابوظبی میڈیا آفس نے کہا ہے کہ ’کورونا وائرس کے انسداد کے قائم کمیٹی کی سفارش اور ریاست میں وبا کی صورتحال کو مدنظر رکھتے ہوئے لاک ڈاؤن میں ایک ہفتہ کی توسیع کا فیصلہ ہوا ہے‘۔

’لاک ڈاؤن کے دوران ریاست ابوظبی کے رہائشی باہر نہیں جاسکتے نہ باہر سے کوئی شخص آسکتا ہے‘۔

’ابوظبی اور اس کے ملحقہ دیگر شہروں کے تمام رہائشیوں پر کرفیو نافذ کیا جاتا ہے، اس سے استثنی بنیادی ضرورتیں فراہم کرنے والے ملازمین کو ہے‘۔

میڈیا آفس نے کہا ہے کہ ’ابوظبی، العین اور الظفرہ شہروں کے رہائشی کرفیو میں نرمی کے اوقات کے دوران اپنی ضرورت کی چیزیں خریدنے کے لیے گھروں سے نکل سکتے ہیں تاہم ان شہروں کے درمیان سفر پر پابندی ہوگی‘۔

واضح رہے کہ لاک ڈاؤن کا آغاز آج منگل سے ہوا ہے۔