شاہ سلمان بن عبد العزیز کے پتے کا کامیاب آپریشن

خادم حرمین شریفین شاہ سلمان بن عبد العزیز کے پتے کو نکالنے کا کامیاب آپریشن ہوا ہے۔

سعودی پریس ایجنسی کے مطابق شاہ سلمان بن عبد العزیز ہسپتال میں صحت یاب ہو رہے ہیں۔

انڈوسکوپی سرجری کنگ فیصل سپیشلسٹ ہسپتال اینڈ ریسرچ سینٹر میں ہوئی جہاں خادم حرمین شریفین شاہ سلمان بن عبد العزیز میڈیکل ٹیم کی ہدایت پر علاج کے لیے کچھ وقت گزایں گے۔

منگل کو شاہ سلمان نے ہسپتال سے ہی کابینہ کے اجلاس کی صدارت کی تھی اور انہوں نے تیمارداری کرنے والوں کا شکریہ ادا کیا اور ان کے لیے نیک خواہشات کا اظہار کیا۔