’عازمینِ حج کی خدمت پر فخر ہے‘

سعودی عرب کی تاریخ میں پہلی مرتبہ خاتون پولیس اہلکار مکہ میں حجاج کی خدمت اور سلامتی پر مامور ہیں۔

اخبار 24 کے مطابق مکہ پولیس سے منسلک خاتون پولیس اہلکار افنان نے الاخباریہ چینل سے گفتگو کرتے ہوئے کہا کہ ’عام دنوں کے مقابلے میں حج موسم میں ڈیوٹی دشوار ہوتی ہے۔ حج موسم میں ڈیوٹی کا سلسلہ چوبیس گھنٹے چلتا ہے۔عام دنوں کی ڈیوٹی اور حج ایام کی ڈیوٹی میں بڑا فرق ہے‘۔

خاتون پولیس اہلکار کا کہنا ہے کہ ’میرا مکہ لیڈیز پولیس کے پہلے بیج سے تعلق ہے۔ حج موسم میں عازمین کی خدمت کرکے فخر محسوس کر رہی ہوں‘۔ 

خاتون اہلکاراریج نے کہا کہ ’ انگلش لٹریچر میں بی آنرز ہوں۔ دراصل میرے والد کویت کی جنگ آزادی میں زخمی ہوگئے تھے۔ اپنے والد کے مشن کو منطقی انجام تک پہنچانے کے لیے پولیس میں آئی ہوں۔ میری آرزو ہے کہ وطن عزیز کی دیگر لڑکیوں کے لیے مثال بنوں اور وہ بھی وطن اور معاشرے کی خدمت کے لیے آگے آئیں اور اپنی صلاحیتوں کا مظاہرہ کرکے ملک و قوم کی تعمیر و ترقی میں حصہ لیں‘۔