پنجاب کے مختلف شہروں میں کورونا وائرس کے نئے کیسز کی اطلاع ملتے ہی اسلام آباد کی ضلعی انتظامیہ کی جانب سے کئی علاقوں میں سمارٹ لاک ڈاون کا عمل شروع کردیا گیا ہے۔
دوسری جانب قائداعظم یونیورسٹی میں کورونا کیسز سامنے آنے کے بعد مختلف ڈیپارٹمنٹس کو سیل کرنے کے حوالے سے نوٹیفیکشن بھی جاری کردیا گیا ہے۔
ڈپٹی کمشنر اسلام آباد حمزہ شفقات نے اپنی ایک ٹویٹ میں بتایا ہے کہ ’کورونا پازیٹو کیسز کی بنیاد پر نشاندہی کیے گئے علاقوں تک دیگر شہریوں کو محدود رسائی دی جائے گی جبکہ صرف ضروری ملازمتوں سے منسلک افراد کو ہی ایسے علاقوں سے باہر جانے کی اجازت ہوگی کورونا کی دوسری لہر آچکی ہے اس لیے تمام شہریوں سے اپیل ہے کہ ایس پیز پر عمل درآمد کو یقینی بنائیں۔‘
Only ppl with jobs in essential services and with negative covid certificate will be allowed to leave. Health teams will complete TTQ and give clearance for opening up. ACs will coord for making sure all arrangements are in place. Stay Safe Islamabad. Second wave is here
— Deputy Commissioner Islamabad (@dcislamabad) October 25, 2020
ڈی سی اسلام آباد کے مطابق سیل کیے گئے علاقوں میں ایف 11/3 سٹریٹ 46، ایف 11/2سٹریٹ 26، آئی /2-8 سٹریٹ 58، آئی /3-8 سٹریٹ 57، آئی /4-8 سٹریٹ 91، پاکستان ٹاون فیز 1 سٹریٹ30 ، میڈیاٹاون بلاک D سٹریٹ 10، کے علاوہ جی 11-2/ سٹریٹ33، جی /2-6 سٹریٹ35 شامل ہیں۔
نیشنل کمانڈ اینڈ آپریشن سینٹر کی جانب سے جاری اعداد و شمار کے مطابق پاکستان میں ایک دن میں کورونا سے مزید 3 ہلاکتیں ہوئی ہیں جب کہ ملک بھر میں 10,788 نئے کیسز بھی سامنے آئے ہیں۔ پاکستان میں ایکٹیو کیسز کی تعداد دس ہزار 788 ہوگئی ہے جو بتدریج بڑھ رہی ہے۔
این سی او سی نے ملک میں کورونا کے بڑھتے کیسز اور اموات پر تشویش کا اظہار کرتے ہوئے شادی ہالز، بازار، پبلک ٹرانسپورٹ، ریسٹورنٹس میں ضابطہ کار کی پابندی یقینی بنانے کی ہدایت کی تھی۔
این سی او سی کے اعداد و شمار کے مطابق نئے کیسز کے ساتھ ملک میں اب تک کورونا سے متاثر ہونے والے افراد کی تعداد تین لاکھ 28 ہزار 602 ہوگئی ہے۔ جبکہ ملک بھر میں کورونا سے اموات کی کل تعداد چھ ہزار 739 ہے۔
کورونا میں مبتلا ہوکر صحت یاب ہونے والے افراد کی تعداد تین لاکھ گیارہ ہزار075 ہوگئی ہے۔
