بحرین کا وزارتی وفد اسرائیل کا دورہ کرے گا

بحرین کے سرکاری خبررساں ادارے بحرین نیوز ایجنسی کے مطابق بحرین کا ایک وزارتی وفد اسرائیل کا دورہ کرے گا جس کی قیادت وزیر صنعت و تجارت اور سیاحت کریں گے۔

خبررساں ادارے کے مطابق وزیر صنعت و تجارت زائد بن راشد الزیانی یروشلم میں اسرائیل کے سینیئر حکام سے ملاقات کریں گے جس میں صنعت، تجارت اور سیاحت کے میدانوں میں تعاون پر بات چیت کی جائے گی۔

بحرین اور متحدہ عرب امارات کی جانب سے اسرائیل کے ساتھ تعلقات کے معاہدے کے بعد یہ بحرین کے وفد کا دوسرا دورہ ہے۔