سعودی عرب میں 6 ماہ میں ایک کروڑ درخت 

نائب وزیر ماحولیات و پانی و زراعت منصور المشیطی نے کہا ہے کہ سعودی عرب کے12 سو سے زائد مقامات پر 6 ماہ کے دوران ایک کروڑ درخت لگادیے گئے-  

عاجل ویب سائٹ کے مطابق نائب  وزیر زراعت نے ٹوئٹر اکاؤنٹ پر تحریر کیا ہے کہ ’سعودی عرب میں شجر کاری کی مہم تیزی سے جاری ہے- جگہ جگہ  درخت لگائے  جارہے ہیں- ریگستان کی توسیع کو روکنے کے  لیے زبردست جدوجہد کریں گے- اس حوالے سے ہم پرعزم ہیں‘- 

نائب وزیر زراعت نے کہا کہ سعودی عرب نے اس سال ریگستان کی وسعت کو روکنے کا عالمی دن عملی اقدامات کرکے  منایا-  پورے ملک میں قدرتی وسائل کے تحفظ کی ضرورت اجاگر کی گئی- ماحولیاتی توازن پیدا کرنے کے لیے آگہی مہم چلائی گئی-