سعودی عرب میں اب تک 56 لاکھ غیر قانونی تارکین گرفتار
’غیر قانونی تارکین میں سے 1553667 افراد کو ملک سے بیدخل کر دیا گیا ہے‘ ( فوٹو: سبق)
سعودی عرب میں غیر قانونی قیام اور کام کرنے والے 56 لاکھ 15 ہزار 884 افراد کو گرفتار کیا گیا ہے۔
سعودی پریس ایجنسی کے مطابق غیر قانونی تارکین کے خلاف مہم کے تحت گرفتار کئے جانے والے مذکورہ افراد کی یہ تعداد 15 نومبر 2017 سے 15 جون 2021 تک کی ہے۔
غیر قانونی تارکین کے خلاف مشترکہ مہم کی انتظامیہ نے کہا ہے کہ ’گرفتار شدگان میں سے 43 لاکھ 4 ہزار 206 افراد اقامہ قوانین کی خلاف ورزی کر رہے تھے‘۔
’کل تعداد میں سے 802125 لیبر قوانین کی خلاف ورزی کے مرتکب تھے جبکہ 509553 سرحدی قوانین کی خلاف ورزی میں ملوث تھے‘۔
’مذکورہ عرصے کے دوران 116908 افراد کو سعودی عرب کی سرحدوں کی دراندازی کرتے ہوئے پکڑا گیا ہے‘۔
’ان میں سے 43 فیصد یمنی شہری ہیں، 54 ایتھوپین جبکہ 3 فیصد دیگر ممالک کے شہری ہیں‘۔
’اسی طرح 9508 افراد کو گرفتار کیا گیا ہے جو غیر قانونی طور پر سرحد عبور کرکے بیرون ملک جانے کی کوشش کر رہے تھے‘۔
مشترکہ کمیٹی نے کہا ہے کہ ’8222 افراد گرفتار ہوئے جو غیر قانونی تارکین کو سہولت اور پناہ دے رہے تھے‘۔
’غیر قانونی تارکین میں سے 1553667 افراد کو ضابطے کی کارروائی مکمل کرنے کے بعد ملک سے بیدخل کر دیا گیا ہے جبکہ باقی کی کارروائی جاری ہے‘۔
کورونا ویکسین کی دوسری خوراک جولائی میں دی جائے گیNode ID: 575521
