حجاج کے گمشدہ سامان کی معلومات کے لیے ایپلی کیشن
حجاج اپنے سامان کی تفصیلات ریکارڈ کراسکتے ہیں(فائل فوٹو ایس پی اے)
سعوی عرب کے سرکاری ادارے نے کہا ہے کہ رواں سال حج کے دوران ای لنک کے ذریعے گمشدہ سامان کے بارے میں معلومات حاصل کی جا سکتی ہے۔
مملکت ایک خصوصی ادارہ قائم کیے ہوئے ہے جسے ’ولایہ‘ کا نام دیا گیا ہے۔ اپیل اسی ادارے کی جانب سے کی گئی ہے۔
سرکاری خبر رساں ایجنسی ایس پی اے کے مطابق ولایہ کے سربراہ محمد العقلا نے کہا کہ ہماری ویب سائٹ پر ایپلی کیشن استعمال کرکے حجاج اپنے سامان کی تفصیلات ریکارڈ کراسکتے ہیں اور یہ کام آسانی سے ممکن ہے۔
انہوں نے کہا کہ سعودی حکومت چاہتی ہے کہ حجاج کو بہتر سے بہتر سہولت فراہم کی جائے۔ اگر ان کا سامان گم ہوگیا ہو تو اس کی تلاش میں بھرپور تعاون کیا جائے گا۔
