اوورسیز پاکستانیوں کے لیے ویکسینشن سرٹیفیکیٹ، فائزر کی مزید کھیپ سمیت گذشتہ ہفتے کی پاکستان سے اہم خبریں
اوورسیز پاکستانیوں کے لیے ویکسینشن سرٹیفیکیٹ، فائزر کی مزید کھیپ سمیت گذشتہ ہفتے کی پاکستان سے اہم خبریں
ہفتہ 28 اگست 2021 0:07
کابل ایئر پورٹ پر دھماکے میں 90 سے زائد افراد ہلاک ہوئے۔ فوٹو اے ایف پی
گذشتہ ہفتے پاکستان میں افغانستان کی صورتحال سے متعلق خبریں اہم رہیں، اس کے علاوہ بیرون ملک سفر کرنے والوں کے لیے کچھ اہم اعلانات بھی سامنے آئے۔ کراچی میں فیکٹری میں آتش زدگی اور بلوچستان میں دہشت گردی کے واقعات کی خبریں بھی نمایاں رہیں۔ گذشتہ ہفتے پاکستان سے چند اہم خبریں:
کیا ایف بی آر نے چوری شدہ سافٹ ویئر استعمال کیا؟
گذشتہ دنوں ملک میں ٹیکس جمع کرنے والے ادارے فیڈرل بورڈ آف ریونیو (ایف بی آر) کے آن لائن سسٹم میں طویل خرابی کے بعد وزیرخزانہ شوکت ترین نے اعتراف کیا تھا کہ ’ایف بی آر کا سسٹم سائبر حملے کا نشانہ بنا تھا اور مقامی میڈیا پر یہ اطلاعات بھی سامنے آئیں تھیں کہ دراصل ایف بی آر ایک پائریٹڈ (چوری شدہ) سافٹ وئیر استعمال کر رہا تھا۔‘
گوادر خودکش حملے کی جامع تحقیقات کی جائیں: چینی سفارتخانہ
پاکستان میں چین کے سفارتخانے کی جانب سے جمعے کی شام گوادر میں چینی شہریوں کے قافلے پر خودکش حملے کی مذمت کرتے ہوئے حکومت پاکستان سے سکیورٹی کو بہتر بنانے کے لیے کہا گیا ہے۔
ٹک ٹاکر کو ہراساں کرنے کا واقعہ: مزید 30 ملزمان شناخت پریڈ کے لیے جیل منتقل
لاہور میں مینار پاکستان کے گراؤنڈ میں خاتون ٹک ٹاکر کو ہراساں کرنے کے مقدمے میں جوڈیشل مجسٹریٹ نے مزید 30 ملزمان کو شناخت پریڈ کے لیے جیل بھجوا دیا ہے۔
نور مقدم کیس:سی ای او تھراپی ورک کی ملازمین سمیت ضمانتیں منظور
نور مقدم کیس میں تھراپی ورک کے چیف ایگزیکٹو آفیسر طاہر ظہور سمیت چھ ملزمان کی ضمانت منظور ہو گئی اور عدالت نے ملزمان کو پانچ پانچ لاکھ روپے کے مچلکے جمع کرانے کی ہدایت کی۔
لاہور کے پارکس میں ٹک ٹاک ویڈیوز بنانے پر پابندی نہیں لیکن اجازت لینا لازمی:حکام
پاکستان کے صوبہ پنجاب کے دارالحکومت لاہور میں پارکوں کی دیکھ بھال کے لیے بنائے گئے ادارے پی ایچ اے نے باغات اور پارکوں میں بغیر اجازت یو ٹیوب اور ٹک ٹاک بنانے پر پابندی لگا دی ہے۔
غیر یقینی صورت حال، پاکستان میں افغان کرنسی کی خرید و فروخت بند
افغانستان میں طالبان کی جانب سے صدر اشرف غنی کی حکومت کا تختہ الٹنے کے بعد سے ملک میں غیر یقینی صورت حال ہے جس کے اثرات پاکستان میں بھی دیکھے جار ہے ہیں۔
اسلام آباد : انتظامیہ کا ہوٹل مالکان کو 21 دن کے لیے بکنگ بند کرنے کا حکم
اسلام آباد کی ضلعی انتظامیہ نے دارالحکومت کے تمام ہوٹلوں کو 21 دن کے لیے کمروں کی بکنگ بند کرنے کا کہا ہے تاکہ افغانستان سے ہزاروں کی تعداد میں پاکستان آنے والے مسافروں کو ترجیحی بنیادوں پر سہولت فراہم کی جا سکے۔
نور مقدم کیس میں تھراپی ورکس کے سربراہ کی ضمانت منظور ہو گئی۔ فوٹو اے ایف پی
اسلام آباد ہائی کورٹ: ججز اور سول سرونٹس کو پلاٹس کی الاٹمنٹ غیر قانونی قرار
اسلام آباد ہائی کورٹ نے وفاقی حکومت کی جانب سے ججز اور سول سرونٹس کو حال ہی میں پلاٹوں کی الاٹمنٹ کو غیر قانونی قرار دیتے ہوئے معاملہ وفاقی کابینہ کو بھیجنے کی ہدایت کر دی ہے۔
ظاہر جعفر سے ٹیلی فونک انٹرویو کے لیے امریکہ کا پاکستانی حکام سے رابطہ
راولپنڈی کی اڈیالہ جیل میں قید نور مقدم قتل کیس کے مرکزی ملزم اور امریکی شہری ظاہر جعفر سے ٹیلی فون انٹرویو کے لیے امریکہ نے پاکستانی حکام سے رابطہ کیا ہے، جبکہ ملزم اور اس کے والدین نے بہتر سہولیات کا مطالبہ کیا ہے۔
