شہزادی ہلا بنت عبد اللہ بن عبد العزیز انتقال کرگئیں

ایوان شاہی نے کہا ہے کہ شہزادی ہلا بنت عبد اللہ بن عبد العزیز آل سعود کا انتقال ہوگیا ہے۔

سعودی پریس ایجنسی کے مطابق آج جمعرات کو عشا کی نماز کے بعد مسجد الحرام میں نماز جنازہ ادا کی جائے گی۔

ایوان شاہی نے کہا ہے کہ ’اللہ تعالی سے دعا ہے کہ متوفیہ کی مغفرت فرمائے اور درجات بلند کرے‘۔

واضح رہے کہ شہزادی ہلا سعودی عرب کے سابق فرمانروا شاہ عبد اللہ بن عبد العزیز کی صاحبزادی ہیں۔