یمنی غیر قانونی تارک کے قبضے سے 24 لاکھ ریال برآمد

جازان پولیس نے ملک میں غیر قانونی طور پر قیام کرنے والے تارک وطن کے قبضے سے 24 لاکھ 50 ہزار ریال ضبط کئے ہیں۔

سعودی پریس ایجنسی کے مطابق ضبط شدہ رقم نامعلوم اور مشکوک ذرائع سے حاصل کی گئی ہے۔

جازان ریجن پولیس کے ترجمان میجر رائد حکمی نے کہا ہے کہ ’گرفتار شدہ شخص یمنی شہری ہے اور عمر کی چوتھی دہائی میں ہے‘۔

’تفتیش کرنے پر معلوم ہوا کہ وہ ملک میں سرحدی قوانین کی خلاف ورزی کرتے ہوئے آیا تھا‘۔

’مذکورہ شخص کو ابو عریش شہر میں گرفتار کیا گیا ہے، ضبط شدہ رقم سرکاری کی تحویل میں دی گئی ہے‘۔

’جبکہ اس سے تفتیش جاری ہے جس کی تکمیل پر اسے پبلک پراسیکیوشن کے حوالے کردیا جائے گا‘۔