ریاض سیزن میں مصری اوپیرا ہاؤس کی میوزک ٹیم شامل

مصر کی وزیر ثقافت ڈاکٹر ایناس عبدالدایم نے کہا ہے کہ مصری اوپیرا ہاؤس کی میوزک ٹیم ریاض سیزن ٹو میں شامل ہے- ٹیم کی قیادت مایسترو حازم القصبجی کررہے ہیں- اوپیرا سٹارز میں فاروق، ایمان عبدالغنی اور احمد عفت ہیں- 

عبدالدایم نے کہا کہ مصر اور سعودی عرب ثقافت کے مختلف شعبوں میں ایک دوسرے سے تعاون کررہے ہیں- ثقافت اور آرٹ کے رشتے مضبوط بنانے کی سکیمیں تیار کی جاچکی ہیں- تعاون منفرد شکل میں آگے بڑھ رہا ہے- 

مصری وزیر ثقافت نے توجہ دلائی کہ دونوں ملک اچھوتے پروگرام پیش کررہے ہیں- اس کا ثبوت عرب ثقافت کے منظر نامے میں دکھائی دے رہا ہے- انہوں نے کہا کہ سعودی عرب میں تمدنی ماحول جنم لے رہا ہے- 

واٹس ایپ پر سعودی عرب کی خبروں کے لیے ”اردو نیوز“ گروپ جوائن کریں