وزارت حج و عمرہ کے ترجمان کا کہنا ہے کہ ’عمرہ ویزے کے اجرا اور مملکت آمد کی پہلی اور بنیادی شرط یہ ہے کہ ویزے سے اجرا سے قبل کورونا ویکسین کی تمام خوراکیں لگوالی ہوں۔‘
وزارت کے ترجمان کے مطابق ’بیرون مملکت سے عمرہ ویزوں پر آنے والوں کو (اعتمرنا ) ایپ کے ذریعے جاری شدہ اجازت ناموں کے بموجب عمرہ، مسجد نبوی، روضہ شریف کی زیارت اور صلاۃ وسلام پیش کرنے کی اجازت ہو گی۔‘
انجینئر ہشام سعید کا کہنا ہے کہ ’عمرہ ویزا انہی زائرین کو جاری کیا جائے گا جو مملکت میں منظور شدہ ویکسینوں میں سے کسی بھی ویکسین کی مطلوبہ خوراکیں حاصل کر چکے ہوں گے۔ انہیں ہوٹل قرنطینہ میں نہیں رکھا جائے گا اور وہ اس شرط سے مستثنی ہوں گے۔‘
وزارت کے ترجمان نے مزید کہا کہ’ بیرون مملکت سے آنے والے ان عمرہ زائرین کو تین دن تک ہوٹل قرنطینہ میں رکھا جائے گا جنہوں نے مملکت میں منظور شدہ ویکسین کی خوراکیں نہیں لگوائیں البتہ عالمی ادارہ صحت کی منظور شدہ ویکسین کی خوراکیں لگوا چکے ہیں۔‘
وزارت حج کے ترجمان نے بتایا کہ’ ایسے زائرین کو ہوٹل قرنطینہ میں قیام پر 48 گھنٹے گزرنے کے بعد پی سی آر ٹیسٹ کرانا ہوگا۔'
’اگر ٹیسٹ کا رزلٹ منفی ہو گا تو ایسی صورت میں انہیں عمرہ ویزے کی میعاد کے دوران مملکت میں قیام کی بھی اجازت ہو گی اور انہیں عمرے کا بھی موقع دیا جائے گا۔‘
بیرون ملک سے 50 برس سے زیادہ عمرہ زائرین کو آنے کی اجازتNode ID: 622286
