سعودی عرب میں کورونا کے 5 ہزار 4 سو مریضوں کا اندراج

سعودی عرب میں آج جمعرات کو 5499 نئے مریضوں کا اندراج ہوا ہے جبکہ 2978 شفایاب ہوئے ہیں۔

سبق ویب سائٹ کے مطابق وزارت صحت نے کہا ہے کہ ’گزشتہ 24 گھنٹوں میں دو مریض ہلاک ہوئے ہیں‘۔

وزارت نے بتایا ہے کہ ’کورونا کے مریضوں کل تعداد 599044 ہوگئی ہے جبکہ 555035 مریض شفایاب ہوئے ہیں‘۔

وزارت نے کہا ہے کہ ’کورونا کے باعث ہلاک شدگان کی کل تعداد بڑھ کر 8901 ہوگئی ہے‘۔

’سعودی عرب کے مختلف ہسپتالوں میں 262 مریضوں کی حالت نازک ہے اور وہ آئی سی یو میں زیر علاج ہیں‘۔