امارات: کورونا کے 2638 نئے کیسز، پانچ لاکھ سے زیادہ نئے ٹیسٹ
امارات: کورونا کے 2638 نئے کیسز، پانچ لاکھ سے زیادہ نئے ٹیسٹ
جمعرات 27 جنوری 2022 18:41
جمعرات کو وائرس سے 4افراد ہلاک ہوئے (فوٹو عرب نیوز)
متحدہ عرب امارات کی وزارت صحت نے کہا ہے کہ گزشتہ 24 گھنٹوں کے دوران کورونا وائرس کے 2638 نئے کیسزکی تصدیق ہونے کے بعد کورونا متاثرین کی کل تعداد 8 لاکھ 35 ہزار 839 تک پہنچ گئی ہے۔
اماراتی خبررساں ایجنسی ’وام‘ کے مطابق ایک ہی روز وائرس سے 1099 افراد شفایاب ہوئےجس کے بعد صحتیاب ہونے والوں کی کل تعداد 7 لاکھ 72 ہزار 723 ہوچکی ہے۔
گزشتہ چوبیس گھنٹوں میں 5 لاکھ سے زیادہ نئے کورونا ٹیسٹ ہوئے۔ (فوٹو وام)
وزارت صحت نے بتایا کہ وائرس سے مزید 4 افراد کی موت واقع ہوئی ہے جس کے بعد مرنے والوں کی کل تعداد 2232 تک ہو گئی ہے۔
وزارت صحت کا کہنا ہے کہ گزشتہ چوبیس گھنٹوں کے دوران 5 لاکھ 28 ہزار 426 نئے کورونا ٹیسٹ کیے گئے۔
